ក្រសួងការពារជាតិសម្តែងការសោកស្តាយ ច្រានចោល និងថ្លោលទោស ដាច់អហង្កា ទង្វើរបស់ក្រសួងរតនាជាតិ អាមេរិក ដែលបង្កកទ្រព្យសម្បត្តិមន្ត្រីជាន់ខ្ពស់១រូប នៃកងយោធពលខេមរភូមិន្ទ​

(ភ្នំពេញ៖ ក្រសួងការពារជាតិ នៃព្រះរាជាណាចក្រកម្ពុជា បានសម្តែងការសោកស្តាយ ច្រានចោល និងថ្កោលទោស យ៉ាងដាច់អហង្កា ចំពោះទង្វើរបស់ ក្រសួងរតនាគារ នៃសហរដ្ឋអាមេរិក ដែលបាន សម្រេចដាក់ទណ្ឌកម្ម ដោយបង្កកទ្រព្យសម្បត្តិ មកលើ​មន្រ្តី​ជាន់ខ្ពស់១រូប នៃកងយោធពលខេមភូមិ​ន្ទកម្ពុជា។

យោងតាមសេចក្តីប្រកាសព័ត៌មាន របស់ក្រសួងការពារជាតិ លេខ៦/១ ន.ព ចុះថ្ងៃទី​១៣ ខែមិថុនា ឆ្នាំ២០១៨នេះ បានឲ្យដឹងថា ការសម្រេចដាក់ទណ្ឌកម្មបង្កកទ្រព្យសម្បត្តិ មកលើមន្ត្រីជាន់ខ្ពស់កម្ពុជាបែបនេះ គឺជាការរំលោភដល់ច្បាប់ នៃព្រះរាជា​ណាចក្រកម្ពុជា ដែលជារដ្ឋអធិបតេយ្យមួយ យ៉ាង​អយុត្តិធម៌ជាទីបំផុត ហើយគ្មានភស្តុតាងអ្ហវីទាំងអស់៕